1.      ಈ ಅಧಿನಿಯಮದ ಉಪಬಂಧಗಳಿಗೆ ಅನುರೂಪವಾಗಿರುವುದನ್ನು ಖಚಿತಪಡಿಸಿಕೊಳ್ಳಲು ಇಲಾಖೆಗಳು ಪ್ರಸ್ತಾವಿಸಿರುವ ಅನುಸೂಚಿತ ಜಾತಿಗಳ ಉಪ-ಯೋಜನೆ ಅಥವಾ ಬುಡಕಟ್ಟು ಉಪ-ಯೋಜನೆಗಳ ಮೌಲ್ಯ ನಿರ್ಧರಿಸುವುದು ಹಾಗೂ ಮೌಲ್ಯ ನಿರ್ಣಯ ಮಾಡುವುದು;

2.      ರಾಜ್ಯ ಅನುಸೂಚಿತ ಜಾತಿಗಳ ಹಾಗೂ ಅನುಸೂಚಿತ ಪಂಗಡಗಳ ಅಭಿವೃದ್ಧಿ ಪರಿಷತ್ತಿನ ಮುಂದೆ ಪರಿಶೀಲನೆ ಮತ್ತು ಅನುಮೋದನೆಗಾಗಿ ಇಡುವ ಸಲುವಾಗಿ ರಾಜ್ಯ ಅನುಸೂಚಿತ ಜಾತಿಗಳ ಉಪ-ಯೋಜನೆ /ಬುಡಕಟ್ಟು ಉಪ-ಉಪಯೋಜನೆಯನ್ನು ಸಿದ್ಧಪಡಿಸುವುದು;

3.      ಅನುಸೂಚಿತ ಜಾತಿಗಳ ಉಪ-ಯೋಜನೆ ಅಥವಾ ಬುಡಕಟ್ಟು ಉಪ-ಯೋಜನೆ ಕಾರ್ಯಕ್ರಮದ ಅನುಷ್ಟಾನವನ್ನು ಪರಿಶೀಲಿಸುವುದು ಹಾಗೂ ಮೇಲ್ವಿಚಾರಣೆ ಮಾಡುವುದು;

4.      ಅಡ್ಡಿ-ಅಡಚಣೆಗಳನ್ನು ಗುರುತಿಸುವುದು ಹಾಗೂ ಆ ಅಡ್ಡಿ ಅಡಚಣೆಗಳನ್ನು ನಿವಾರಿಸಲು ಕ್ರಮಗಳನ್ನು ಸೂಚಿಸುವುದು;

5.      ರಾಜ್ಯ ಮಟ್ಟದ ಹಾಗೂ ಜಿಲ್ಲಾ ಮಟ್ಟದ ಅನುಸೂಚಿತ ಜಾತಿಗಳ ಉಪಯೋಜನೆ-ಬುಡಕಟ್ಟು ಉಪಯೋಜನೆಯನ್ನು ಸಿದ್ದಪಡಿಸಲು ಇಲಾಖೆಗಳೊಂದಿಗೆ ಸಮನ್ವಯ ಸಾಧಿಸುವುದು;

6.      ವೆಚ್ಚದಲ್ಲಿ ಪಾರದರ್ಶಕತೆಯನ್ನು ಕಾಪಾಡುವುದು; ಗೊತ್ತುಪಡಿಸಬಹುದಾದಂತೆ ಸ್ಕೀಮುವಾರು, ಜಿಲ್ಲಾವಾರು, ಗ್ರಾಮವಾರು ಮತ್ತು ಫಲಾನುಭವಿವಾರು ವಿವರಗಳನ್ನು ನಿರ್ವಹಿಸುವುದು; ಅನುಸೂಚಿತ ಜಾತಿಗಳ ಉಪ-ಯೋಜನೆ ಅಥವಾ ಬುಡಕಟ್ಟು ಉಪ-ಯೋಜನೆಯ ಬಗ್ಗೆ ಗೊತ್ತುಪಡಿಸಬಹುದಾದಂತೆ ಅನುಷ್ಟಾನ ಪ್ರಗತಿ, ವೆಚ್ಚ, ಹುಟ್ಟುವಳಿ ಹಾಗೂ ಫಲಿತಾಂಶ ಸೂಚಕಗಳನ್ನು ಗುರುತಿಸಲು ವೆಬ್ ಪೋರ್ಟಲ್ ಅನ್ನು ಸ್ಥಾಪಿಸುವುದು;

7.      ಅನುಸೂಚಿತ ಜಾತಿಗಳ ಉಪ-ಯೋಜನೆ ಅಥವಾ ಬುಡಕಟ್ಟು ಉಪ-ಯೋಜನೆ ನಿಧಿಗಳ ವೆಚ್ಚವನ್ನು ಕನಿಷ್ಠಪಕ್ಷ ವಾರ್ಷಿಕವಾಗಿ ಸಾಮಾಜಿಕ ಲೆಕ್ಕಪರಿಶೋಧನೆ ಮಾಡಲು ಅನುಕೂಲ ಕಲ್ಪಿಸುವುದು ಹಾಗೂ ರಾಜ್ಯ ಹಾಗೂ ಜಿಲ್ಲೆಯ ಮುನ್ನಂದಾಜಿನ ಪ್ರಕಾರ ಮಾನವ ಅಭಿವೃದ್ಧಿ ಸೂಚಿಯಲ್ಲಿ ಸುಧಾರಣೆಯ ಪ್ರಗತಿ ವಿಶ್ಲೇಷಣೆಗೆ ಅನುಕೂಲ ಕಲ್ಪಿಸುವುದು;

1.      ಜಿಲ್ಲಾ ಮೇಲ್ವಿಚಾರಣಾ ಸಮಿತಿಯು, ಜಿಲ್ಲೆಯಲ್ಲಿನ ಅನುಸೂಚಿತ ಜಾತಿ ಉಪ-ಹಂಚಿಕೆ ಹಾಗೂ ಬುಡಕಟ್ಟು ಉಪ-ಹಂಚಿಕೆಗಳ ಯುಕ್ತ ಅನುಷ್ಟಾನದ ಬಗ್ಗೆ ನಿಶ್ಚಿತಪಡಿಸಿಕೊಳ್ಳತಕ್ಕದ್ದು.

2.      ಜಿಲ್ಲಾ ಮೇಲ್ವಿಚಾರಣಾ ಸಮಿತಿಯು, ಭೌತಿಕ ಹಾಗೂ ಆರ್ಥಿಕ ಕಾರ್ಯ ಪ್ರಗತಿಯನ್ನು ಪರಿಶೀಲಿಸುವುದಕ್ಕಾಗಿ ತಿಂಗಳಿಗೆ ಒಮ್ಮೆ ಸಭೆ ಸೇರತಕ್ಕದ್ದು.

3.      ಜಿಲ್ಲಾ ಮೇಲ್ವಿಚಾರಣಾ ಸಮಿತಿಯು, ವಿವಿಧ ಇಲಾಖೆಗಳ ಕಾರ್ಯಪ್ರಗತಿಯ ವರದಿಗಳನ್ನು ಜಿಲ್ಲಾಡಳಿತದ ಜಾಲತಾಣದಲ್ಲಿ ಅಪ್ ಲೋಡ್ ಮಾಡುವ ಮೂಲಕ ಸಾರ್ವಜನಿಕ ವಲಯದಲ್ಲಿ ಪ್ರಚಾರ ಮಾಡಲಾಗಿದೆಯೆಂಬುದನ್ನು ನಿಶ್ಚಿತಪಡಿಸಿಕೊಳ್ಳಬೇಕು.

4.      ಆ ಜಿಲ್ಲೆಯಲ್ಲಿರುವ ಅನುಸೂಚಿತ ಜಾತಿಗಳು / ಅನುಸೂಚಿತ ಬುಡಕಟ್ಟುಗಳಲ್ಲಿ ಗುರುತಿಸಲಾದ ಅಭಿವೃದ್ದಿ ಅಂತರವನ್ನು ನಿವಾರಿಸಿದ ಅಥವಾ ತಗ್ಗಿಸಿದ ಬಗ್ಗೆ ಮೇಲ್ಚಿಚಾರಣೆ ಮಾಡುವುದು.

5.      ಭೌತಿಕ ಮತ್ತು ಆರ್ಥಿಕ ಸೌಲಭ್ಯಗಳೆರಡರ ಯೋಜನಾವಾರು, ಗ್ರಾಮವಾರು, ಪಂಚಾಯತ್ ವಾರು ಹಾಗೂ ಮತಕ್ಷೇತ್ರವಾರು ವಿವರಗಳನ್ನು ಹಾಗೂ ಫಲಾನುಭವಿಗಳ ಪಟ್ಟಿಯನ್ನು ನಿರ್ವಹಿಸಬೇಕು ಹಾಗೂ ಅವುಗಳನ್ನು ವೆಬ್ ಪೋರ್ಟಲ್ ನಲ್ಲಿ ಪ್ರಕಟಿಸಬೇಕು.

6.      ಸಾಮಾಜಿಕ ಲೆಕ್ಕಪರಿಶೋಧಕ ನಿರ್ಣಯಗಳನ್ನು ಪರಿಶೀಲಿಸುವುದು ಹಾಗೂ ಆ ವರದಿಗಳ ಆಧಾರದ ಮೇಲೆ ಅವಶ್ಯಕ ಸುಧಾರಕ ಕ್ರಮಗಳನ್ನು ಕೈಗೊಳ್ಳುವುದು.

7.      ಜಿಲ್ಲೆಯಲ್ಲಿ ಅಭಿವೃದ್ಧಿಯಲ್ಲಿನ ಅಂತರದ ವಿಶ್ಲೇಷಣೆಗೆ ಅವಕಾಶ ಕಲ್ಪಿಸುವುದು ಹಾಗೂ ಪರಿಹಾರ ಕ್ರಮಗಳನ್ನು ಸೂಚಿಸುವುದು.

8.      ಅನುಸೂಚಿತ ಜಾತಿಗಳ ಉಪ-ಹಂಚಿಕೆ ಮತ್ತು ಅನುಸೂಚಿತ ಪಂಗಡಗಳ ಉಪ-ಹಂಚಿಕೆ ಅಡಿಯಲ್ಲಿ ಅನುಷ್ಟಾನಗೊಳಿಸುತ್ತಿರುವ ಕಾಮಗಾರಿಗಳು / ಯೋಜನೆಗಳ ಭೌತಿಕ ಪರಿಶೀಲನೆಯನ್ನು ಮೂರನೇ ಪಕ್ಷಕಾರನ ಮೂಲಕ ಕೈಗೊಳ್ಳಲು ವ್ಯವಸ್ಥೆ ಮಾಡುವುದು.

9.      ಅನುಸೂಚಿತ ಜಾತಿಗಳ ಉಪ-ಹಂಚಿಕೆ ಮತ್ತು ಬುಡಕಟ್ಟು ಉಪ-ಹಂಚಿಕೆ ಅನುಷ್ಟಾನಕ್ಕೆ ಸಂಬಂಧಿಸಿದ ಕುಂದುಕೊರತೆಗಳ ಬಗ್ಗೆ ಜಿಲ್ಲಾ ಮೇಲ್ವಿಚಾರಣಾ ಸಮಿತಿಯು, "ಜಿಲ್ಲಾ ಮಟ್ಟದ ಕುಂದುಕೊರತೆಗಳ ನಿವಾರಣಾ ಘಟಕ" ವಾಗಿ ಸಹ ಕಾರ್ಯನಿರ್ವಹಿಸತಕ್ಕದ್ದು.

10.      ಕಾಲಕಾಲಕ್ಕೆ ಸರ್ಕಾರ ಅಥವಾ ಅನುಸೂಚಿತ ಜಾತಿಗಳ ಉಪ-ಹಂಚಿಕೆ ಮತ್ತು ಬುಡಕಟ್ಟು ಉಪ-ಹಂಚಿಕೆಯ ನೋಡಲ್ ಏಜೆನ್ಸಿಯು ಗೊತ್ತುಪಡಿಸಿದ ಯಾವುದೇ ಇತರ ಕಾರ್ಯಗಳನ್ನು ನಿರ್ವಹಿಸತಕ್ಕದ್ದು.